📍 荃灣如心廣場商場二期1樓111號舖
⏰ 11:30-22:00

📍 旺角西洋菜南街1A-1K號百寶利商業中心地下12號舖
⏰ 12:00-22:15

📍 銅鑼灣利園山道17號地舖
⏰ 12:00-22:15

迷客夏最近新出咗手工仙草系列，最近唔落雨嘅話天氣都好好，夏日炎炎飲杯都幾舒服😝

仙草冬瓜檸檬 $25

呢杯冬瓜檸檬唔係太甜，少少酸嘅檸檬又唔係勁酸。個仙草原來係即日煮！仙草有啲啲黑糖味同有啲似唔苦嘅龜苓膏，啜埋入口溝埋冬瓜檸檬都好fresh😗 .

評分⭐️

（5⭐️為滿分）
味道 ⭐️⭐️⭐️⭐️
環境 ⭐️⭐️⭐️⭐️
抵食 ⭐️⭐️⭐️⭐️

📍 九龍城打鼓嶺道86號A-B舖
⏰ 星期日至四 16:00-01:00
⏰ 星期五至日 16:00-22:00
🛒 Foodpanda / Uber Eats / 外賣自取

一講九龍城糖水，大家都可能即刻諗起龍崗道嗰兩間，不過原來行遠少少都有間糖水黃店，以後食完泰菜要食甜品嘅話就唔使再諗食邊間喇😗

黃金島 $38

呢個黃金島無大頭菜嘅，但就有鮮芒果、鮮西柚、貴妃甘露同柚子果凍。貴妃甘露即係西米露，頭幾啖覺得無乜特別，因為都係食芒果肉同西柚肉，但再食落去就feel到不得了！下面個柚子果凍超超超好食😝 超濃嘅柚子蜜味，同芒果同西柚加埋又幾夾喎～

評分⭐️

（5⭐️為滿分）
味道 ⭐️⭐️⭐️⭐️
環境 ⭐️⭐️⭐️⭐️
抵食 ⭐️⭐️⭐️⭐️

📍 荃灣楊屋道1號荃新天地2期UG樓85號舖
⏰ 星期一至五13:00-22:30
⏰ 星期六日 11:30-22:30

唔使上戰場都感受到催淚的滋味⋯⋯Sogno Gelato嘅催淚彈味雪糕連外國都有媒體報，但早前佢哋就告過急⋯⋯呢度除咗有雪糕賣，仲有啲同運動有關嘅物件義賣，大家可以去睇吓幫襯吓支持吓！

催淚彈味雪糕 單球 $38

催淚彈雪糕個味有啲似胡椒加黑椒，辣味留喺個喉嚨度。老闆表示希望大家喺消費嘅同時都唔好忘記抗爭者嘅付出，而且呢個雪糕唔會影響身體，大家可以試試呀！至於呢個雪糕似唔似真正嘅TG味，小編表示：「我無嘢講，我要見律師。」

評分⭐️

（5⭐️為滿分）
味道 ⭐️⭐️⭐️⭐️
環境 ⭐️⭐️⭐️⭐️
抵食 ⭐️⭐️⭐️⭐️

📍 長洲北社街49號前座地舖
⏰ 12:30-22:00（星期二休息）

睇清楚餐廳個名，係「是蛋」唔係是旦！佢哋嘅食物一啲都唔是旦！想放假入長洲抖抖嘅話，去是蛋Chill一Chill就啱晒你喇！

慢煮保濕豬扒配野菌溫泉蛋汁、甘荀及薯蓉 $158

呢份加拿大豬扒係經過特別處理鎖住水份再慢煮，外皮有少少脆但肉質超滑超鮮嫩，經過慢煮再煎香，外皮有少少脆但肉質超滑超鮮嫩，脂肪比例平均令到有少少入口即溶嘅感覺🤤 豬扒下面係溫泉蛋汁，點埋一齊食都幾夾。甘荀就煎過嘅，但煎完之後入面嘅甘荀都好腍。薯蓉真係勁surprise，超creamy！呢個set真係超水準咁好食！

土製炸蛋 $48

呢份就包埋薯條，全部都即炸嘅。個炸蛋係用漢堡扒包住隻溏心蛋嚟炸，外面炸得好脆！薯條就一樣外脆內軟，薯味勁香😋

手工肉丸配茄汁及芝士 $118

呢個肉丸嘅肉就即係土製炸蛋個面，不過無炸脆到同換咗茄汁同芝士，啲芝士新鮮到可以拉絲㗎🤣 大大粒都幾飽肚～

因為每樣食物都係即製，而呢間小店又真係一間小店嘅關係，等食時間都會耐少少，但話到明係入長洲抖抖，香港人放鬆吓啦！食物嘅水準話畀你知等待係值得嘅😍

評分⭐️

（5⭐️為滿分）
味道 ⭐️⭐️⭐️⭐️⭐️
環境 ⭐️⭐️⭐️⭐️
抵食 ⭐️⭐️⭐️⭐️

📍 中環7號碼頭地下C舖
⏰ 星期一至四 11:00-22:30
⏰ 星期五 11:30-22:30
⏰ 星期六、日 10:30-22:30

Igloo Dessert Bar主打意大利雪糕，放假喺海邊食杯雪糕chill一chill都幾舒服😛 呢度嘅雪糕有好多款特別嘅口味，除咗有招牌嘅大白兔糖味，仲有蘋果批味、好立克麥提沙味等等～

大白兔糖味單球雪糕杯 $34

大白兔糖味作為Igloo嘅特色，第一次嚟就一定要試啦，食落口真係好似食緊大白兔糖咁，雪糕上面嗰層都有啲似大白兔糖嘅質地，童年回憶返晒嚟😆

評分⭐️

（5⭐️為滿分）
味道 ⭐️⭐️⭐️⭐️
抵食 ⭐️⭐️⭐️⭐️

📍 屯門青翠徑9號多寶商場地下9號舖
⏰ 11:00 – 21:00
🔒 星期三休息
🛒 Foodpanda / 外賣自取（沒有堂食）

早個幾月介紹過威威嘅漢堡包，小編今次又去威威喇！今次試埋呢度嘅飯餐，35蚊就食到最高級嘅自家製牛肉漢堡扒飯，頹飯價錢食出high class味道呀😝

自家製牛肉漢堡腸蛋飯 $35

上次食嘅漢堡包32蚊，都唔覺得好平，但飯嚟講35蚊就好似好平！自家製手打牛肉漢堡扒超級厚，食到啲牛筋，好有咬口，仲要唔係煎到乾晒，感覺比上次食漢堡包仲要好！個飯跟埋一條腸仔同一隻煎蛋，汁方面有咖喱、黑椒同豉油揀，真係日日食都唔怕悶！

評分⭐️

（5⭐️為滿分）
味道 ⭐️⭐️⭐️⭐️
抵食 ⭐️⭐️⭐️⭐️⭐️

📍 九龍城衙前塱道8號地下
⏰ 星期一至四 07:30-21:00
⏰ 星期五 07:30-22:00
⏰ 星期六及公眾假期 09:00-22:00
⏰ 星期日 09:30-19:00
🛒 Foodpanda / 外賣自取

九龍城除咗有泰國菜，原來都有幾間cafe！呢間環境無乜畀人打卡嘅感覺，但坐落好舒服，啲食物賣相都好好！大家可以去試吓啊😝

卡邦尼亞意粉 $98 / 蟹肉意大利飯 $138

先講兩個Set Dinner，份量睇落好似好少其實都好夠食！Carbonara擺得勁靚搞到唔捨得食，個芝士味都非常濃，濃到有少少鹹😂 而蟹肉意大利飯就食到啖啖蟹肉，飯上面嘅三文魚子令到個飯好fresh，唔錯！

平白 $38 / 焙茶鮮奶 $42

唔係好識飲咖啡嘅小編本來想試Specialty Coffee，仲揀好埋，點知嗰晚無得飲😭 咁我哋就叫咗另外兩杯喇。焙茶鮮奶嘅焙茶味同奶味都勁濃，奶係用咗全脂奶！而杯Flat White拉出嚟嘅拉花都好靚，有靚拉花就會有好心情😝

評分⭐️

（5⭐️為滿分）
味道 ⭐️⭐️⭐️⭐️
環境 ⭐️⭐️⭐️⭐️
抵食 ⭐️⭐️⭐️⭐️

武漢肺炎搞到全球嘅人都無得去旅行，不過呢段時間就令香港人發掘到唔少一直忽略嘅本地旅遊景點，今次小編帶大家去長洲行一轉！長洲都有唔少好文青嘅紀念品店，喺海邊嘅文青小店參觀，感覺有啲似喺台灣嘅淡水海邊😝 呢兩間係小編嚴選非常值得行嘅小店，記得幫襯吓支持同路人呀！

小島品味

📍 長洲新興海旁街81號地下
⏰ 10:00-19:00 （星期一休息）

小島品味喺碼頭附近，除咗有耳環、手鏈呢啲基本文青嘢賣之外，仲有唔少長洲獨有嘅自家設計紀念品，例如小編買咗呢個「香港人平安」鎖匙扣，好似仲有平安包耳環賣，女仔可以試試睇吓ca唔carry到🤪

MyArts 賣藝

📍 長洲東灣路一號地下
⏰ 星期一至五 10:30-18:00
⏰ 星期六、日及假期 10:00-19:00 

MyArts賣藝就喺東灣泳灘嗰邊，當你見到有幅之前畀人貼咗好多嘢又畀人撕晒嘅藍色牆，嗰度就係喇！呢間感覺更加文青，商品有護膚品、手工皂、皮革製品同postcard等等，主打香港本土設計，梗有一樣啱你🤩