hoeng1 gong2 jan4 foodie
📍 西灣河聖十字徑38號
⏰ 08:00-18:00
小編真係非常健康，又晨早出街食早餐😝 今次呢間喺西灣河，人多到早餐都要排隊，食完見條龍都勁長！試吓係咪真係咁好食先😆 btw灣仔都有間和記係黃店～
B餐早餐係沙爹嘔麵加蛋加牛油方包，原本33蚊但加咗2蚊畀杯凍檸茶。沙爹嘔麵啲牛肉好大塊，腍腍哋又唔韌，最正係有啲新鮮嘅蔥粒🤩 炒蛋超滑，牛油方包如果多啲牛油就超正😆
（5⭐️為滿分）
味道 ⭐️⭐️⭐️⭐️
環境 ⭐️⭐️⭐️⭐️⭐️
抵食 ⭐️⭐️⭐️⭐️
📍 金鐘夏慤道18號海富中心2樓90號舖
⏰ 10:30-14:00（星期六日休息）
📍 九龍灣宏照道6號鴻力工業中心B座地下B5號舖
⏰ 星期一至五 11:00-18:00（星期日休息）
⏰ 星期六 11:00-15:00
中午一點幾嘅金鐘真係勁多人！喺海富二樓一個唔起眼嘅位置搵到一間無華麗裝修嘅日本便當黃店，小編好好彩買到最後一盒便當！所以雖然金鐘店話就話收2點，如果想食到嘅話記得要早啲去呀😆 btw得金鐘同九龍灣係黃，唔好食錯！
痴線咩50蚊食到個lunch有埋嘢飲仲要咁高質！小編買完返去先叮嚟食，叮分幾鐘之後嚿三文魚扒都仲有魚油咇出嚟，肉質依然鮮嫩，加埋照燒汁真係好夾！飯底唔係珍珠米所以扣咗少少分，但扣咗分都仲值5粒星星😝 旁邊有塊南瓜做前菜，食完佢先正式開餐勁開胃～
再btw～大家可以學小編擺張日本嘅相喺後面，扮住去咗日本喺櫻花樹下野餐先🌸🤣
味道 ⭐️⭐️⭐️⭐️⭐️
抵食 ⭐️⭐️⭐️⭐️⭐️
📍 西營盤WeWork（西營盤新街5-13號地下）
🗓 即日至6月29日
⏰ 早上9時至晚上9時
小編weekend食飽黃店之後就去咗西營盤睇呢個叫《西西弗斯的不撓》嘅畫展，如果你有聽開My Little Airport嘅歌，你應該都知西西弗斯係乜水，唔係喺電話投注中心幫馬迷落注嗰個呀，係希臘神話故事受到諸神懲罰嗰個呀😂
當人人都認為西西弗斯被罰要喺地獄推大石上山係一種折磨，但西西弗斯並唔係咁諗，佢喺不幸之中搵到意義。舉辦畫展嘅兩位藝術家鄭璧孌Kian同葉露珠Kristy認為香港人過去一年同西西弗斯都有相似嘅地方，因為呢一年都重複做緊看似徒勞無功嘅事，但大家都搵到意義，仲無放棄。
儘管形式不同，我們都在重覆地做著這件事
Kian & Kristy
小編得知呢個展覽，係因為早前喺深水埗合舍睇《微光之城》展覽時拎到《西西弗斯的不撓》畫展嘅邀請卡。邀請卡上無透露展覽同香港抗爭運動有關，但就有一句「儘管形式不同，我們都在重覆地做著這件事」。呢句嘅意思其實就即係「兄弟爬山，各自努力」。我哋每一個人都係西西弗斯，兩位藝術家希望透過畫展，寄語港人繼續努力做自己認為啱嘅事，堅持落去。
Kian同Kristy嘅作品風格都好唔同，Kian其中兩幅作品用咗image transfer嘅手法，紀錄低被撕走嘅連儂牆同埋被抹走嘅街道塗鴉，再喺上面加上顏料同設計。圖中呢一幅叫《停不了的動力》，灰色嘅街道上面有唔同嘅字句，地上嘅血跡非常吸引眼球，Kian表示血跡除咗代表警暴，亦代表咗無血嘅暴力。而Kristy嘅作品就比較含蓄，三幅作品都同「夢境」有關，畫中都有海浪入侵，觀眾可以有想像空間去思考箇中嘅意思。
睇完畫展後小編同Kian交流咗唔少對呢一場運動嘅睇法，Kian表示會繼續用自己嘅方式創作，無人知道一年後嘅香港會係點，正如去年可以參與維園六四晚會，今年已經被政府用限聚令禁止，《國安法》仲令香港帶嚟更多未知。希望人人都可以學識李小龍名言「Be Water」嘅意思，喺抗爭中搵到自己嘅長處同位置。
直到有一日，佢發現佢可以蔑視自己嘅命運，甚至用享受呢個過程嚟去否定諸神對佢嘅懲罰，於是，佢感覺到自己係快樂嘅。
《西西弗斯之歌》 – My Little Airport
最後，小編想以My Little Airport《西西弗斯之歌》嘅最後一句歌詞作結，和你抗爭，我很愉快。
📍 旺角豉油街11-17號萬利商業大廈地下4-5號舖
⏰ 08:00-04:00
旺囍3月曾經告急，所以懶惰唔book枱嘅小編喺旺角就諗起佢哋。去到排隊排第四，喺旺角搵黃店見得到龍尾已經係萬幸😂 不過實話實說，食完感覺有啲差，不完美，要改善😤
舖頭入面樓面同煮麵嘅得三個人，人手唔夠搞到落單都等咗好耐，落咗單過一陣終於有得食！好大碗（隻碗好大），可能又係小編嗌錯嘢，碗麵睇落好唔豐富，應該要識揀啲大大嚿嘅嘢，但明明餐牌張圖隻韮菜餃又厚皮又大隻🤕 好啦是旦啦，蘿蔔叫清甜蘿蔔，係清甜嘅，但問題係真係有啲老，食到成口楂🥴 韮菜餃味道ok，但細隻得嚟一咬就散晒😢 豬大腸個味幾好，但太薄身同好腍⋯⋯好似食緊啲類似雞皮嘅物件咁，原本expect係厚身啲嘅⋯⋯腩汁就無乜牛腩味，但有啲辣味，小編都係唔食得辣先叫腩汁姐⋯⋯ 46蚊無嘢飲仲係咁嘅體驗，真心希望可以改善吓。
（5⭐️為滿分）
味道 ⭐️⭐️
環境 ⭐️⭐️⭐️
抵食 ⭐️⭐️⭐️
📍 長洲新興街78號地舖
⏰ 星期一至六 12:30-22:00
⏰ 星期日 11:00-20:00
本來想搵第二間嘢飲試吓，因為實在太多人去過長洲角酪打卡 但行完山落返嚟勁勁渴，發現都係呢間最好，本來以為得長洲黨鐵站style嘅打卡位，但原來仲有位坐嘅，放假去同朋友飲杯嘢傾吓計都幾爽😆
柚露梳打、水果大馬士革都係「打卡-able」，柚露梳打有塊楓葉🍁 底有好多柚子肉，加埋梳打勁解渴！水果茶加咗蜂蜜，啲生果好新鮮同擺得好靚。而經典角酪就比較低調，其實即係紫米乳酪，乳酪味好濃，幾好飲，不過行完山嚟講真係唔太適合😂
（5⭐️為滿分）
味道 ⭐️⭐️⭐️⭐️⭐️
環境 ⭐️⭐️⭐️⭐️⭐️
抵食 ⭐️⭐️⭐️⭐️
📍 旺角彌敦道594-596號旺角新城8樓
⏰ 星期一至五 15:00-01:00
⏰ 星期六、日 12:00-23:45
喺旺角食dinner唔book位真係搞唔掂，有晚打咗勁多電話終於搵到Nardo’s Cafe有最後一張walkin枱，唔理咁多就lm咗先🤣 老實講一直都唔會對旺角嘅樓上cafe有咁大期望，因為都係主打一大班人玩吓boardgame吹吓水多過食嘢，但食落又唔錯喎～
都擺得幾靚仔，三隻蝦同三隻帶子，啱晒我哋三個人食😆 蝦好爽口，帶子都幾彈牙，而個飯就好重黑松露味，飯唔會太硬都唔會好淋，啖啖黑松露味都幾回味～
雖然唔係好拉到絲但都幾重芝士味，西班牙其實就即係蕃茄汁，啲海鮮種類都幾豐富，有蝦有青口有墨魚等等～
個拼盤大到有啲surprise，有雞翼、日式餃子、麥樂雞、辣味薯角、雜菜春卷同埋咖喱角。雞翼燒得幾香，但麥樂雞個面加咗唔少蜜糖所以就甜咗啲，辣味薯角就唔辣嘅😂 成個拼盤都係大路小食，同fd子吹住水慢慢食都幾好😙
其實頭幾啖飲落去唔覺得似芒果，同埋個沙冰太沙，即係已經溶咗好多，所以一般般啦。
（5⭐️為滿分）
味道 ⭐️⭐️⭐️⭐️
環境 ⭐️⭐️⭐️⭐️
抵食 ⭐️⭐️⭐️⭐️
📍 長洲北社二里1A 地下
⏰ 11:00-18:30
去長洲無可能唔掃吓街！落船喺碼頭轉左去到差唔多盡頭就會見到呢間適泊魚燒，喺海邊行陣坐低食啲小食，飲杯冬瓜茶冰沙FF自己去咗台灣都好😂
可能臨閂門我哋先去，啲魚仔燒已經唔係即刻燒起咁熱，咬開得意嘅魚仔，入面係超濃味嘅奶皇吉士，一啖食得晒，唔錯！
冬瓜茶冰沙唔係好甜，清清地，炎炎夏日行完山飲杯都幾止渴幾舒服😝
（5⭐️為滿分）
味道 ⭐️⭐️⭐️⭐️
環境 ⭐️⭐️⭐️⭐️
抵食 ⭐️⭐️⭐️⭐️
📍 尖沙咀金馬倫道18號萬勤商業大廈地舖
⏰ 12:00-22:30
📍 大埔汀角路11號地舖
⏰ 12:00-23:00
📍 元朗教育路24-36號百宜樓地下A號舖
⏰ 12:00-22:30
呢間水門雞飯同水門泰式海南雞飯專門店係唔同嘅，呢間感覺同喺曼谷水門市場食粉紅衫雞飯差唔多，地板同張枱都好似！成日都話今泰國嘢唔使食咁貴都可以好好食，呢度用平民價錢食返泰國平民味道，食餐飯當去咗轉泰國囉😝
唔係好花巧，淨係得雞、飯同埋兩片青瓜，同曼谷粉紅衫雞飯好似！雞油飯恰到好處，唔會話勁重味，雞肉點埋有少少辣嘅醬都將惹味！
炸雞件係三碟入面最好食嘅，外麵炸得好脆，最勁係入面嘅雞肉仍然保留咗啲肉汁，而啲雞件又大嚿，好滿足！
52蚊嚟講呢碟泰式鳳爪真係勁抵食，出面食好多都係一半沙律一半鳳爪，呢度係多鳳爪少沙律，凍食嘅辣鳳爪食到好忘我，辣得嚟又幾開胃！
（5⭐️為滿分）
味道 ⭐️⭐️⭐️⭐️
環境 ⭐️⭐️⭐️⭐️⭐️
抵食 ⭐️⭐️⭐️⭐️⭐️
📍 Instagram: https://www.instagram.com/ahsum__bakery/
小編好趕咁想搵生日蛋糕訂，搵吓搵吓就搵到佢哋～因為要搵3人份量，好多間都無咁細個size，心形蛋糕就啱晒我哋😆 如果人多仲可以揀6吋（$250）同8吋（$480）！
佢哋話呢個係1-2人份量，但3個人食我哋又覺得幾好！入面嘅mousse有濃濃嘅真芒果味，聽店主講原來啲芒果都係喺黃店買🥰 中間有少少流心，少少醬夾埋啲mousse一齊食其實都夠，因為如果勁流心嘅話會流到成枱都係😂 餅底係朱古力餅，好似係Oreo，幾夾！
📍 荔枝角長沙灣道883號億利工業中心地下6-A2號舖
⏰ 11:30-21:00
📍 旺角旺角道30-36號寶安大廈地下E2號舖
⏰ 12:00-23:45
📍 佐敦庇利金街38號地下
⏰ 12:00-23:00
我哋開page初頭出過個post講小編心目中黑糖珍珠鮮奶top 3，李圓圓都有上榜！今次試吓另外一啲嘢飲先😝
無得去旅行就會諗起台灣嘅味道😭 最近小編又飲咗好多冬瓜茶，李圓圓嘅冬瓜茶唔係好甜但冬瓜味比其他飲過嘅都重！原來用咗冬瓜磚，唔怪得同其他地方飲嘅唔同😝
呢杯起碼半年前飲，嗰陣未寫食評，我盡量靠記憶寫兩句啦😂 之所以叫2.0係因為佢係厚奶version，即係多咗奶。要介定一杯珍珠鮮奶or珍珠奶茶好唔好飲，就緊係要睇啲珍珠煮成點，唔係嘅話我飲淨鮮奶/淨奶茶好過啦係咪先😅 李圓圓嘅珍珠又係有甜味同勁彈牙，咬落去係真係feel到佢彈，堅好飲，必試🥰
（5⭐️為滿分）
味道 ⭐️⭐️⭐️⭐️⭐️
環境 ⭐️⭐️⭐️⭐️
抵食 ⭐️⭐️⭐️⭐️
香港人Foodie