hoeng1 gong2 jan4 foodie
📍 沙田崗背街9-11號全輝中心B座16號舖
⏰ 15:00-00:00
新城市嗰頭食嘢嘅選擇唔多，其實過咗城門河又係另一個世界，喺河畔花園、花園城嗰頭都好多好嘢食！今次帶大家試吓甜品先！
西瓜忠入面有生果、雙色珍珠、爆珠、三色椰果同埋雪糕。放心，個西瓜唔係循環再用嘅😂 水果有芒果同蜜瓜，當然仲可以自己刮啲西瓜肉食。雪糕可以自己揀味道，小編都係揀芒果，始終芒果真係甜品界嘅馬德鐘，一定好食😆
（5⭐️為滿分）
味道 ⭐️⭐️⭐️⭐️
環境 ⭐️⭐️⭐️⭐️
抵食 ⭐️⭐️⭐️⭐️
📍 屯門青柏徑6號鹿苑地下3號舖
⏰ 星期一至六 07:30-00:30
⏰ 星期一至日 16:30-00:30 供應甜品
喺屯門紅橋有間小店，有茶記早餐or lunch set嘅就係日頭，有心太軟甜品食嘅就係夜晚。小編好耐之前試過呢度嘅早餐，有讀者表示呢度最正係雞髀，終於試到喇🥳
雞髀係生炸嘅，一般炸髀個皮都會比較乾，乾身點都好過成口油嘅，要睇炸得好唔好就要睇啲肉有無肉汁，食落去啲肉仲係有汁唔乾嘅，唔錯！40幾蚊有埋煎蛋同飯同嘢飲，ok啦😛
（5⭐️為滿分）
味道 ⭐️⭐️⭐️⭐️
環境 ⭐️⭐️⭐️
抵食 ⭐️⭐️⭐️⭐️⭐️
📍 香港仔華富（二）邨商場6樓17-18號舖
⏰ 07:00-20:00
走到去華富食茶記咁得閒？因為麗絲快餐店係一間老舖，華富邨咁啱又keep到香港舊屋邨嘅味道。講明先，麗絲係間街坊茶餐廳，所以唔好預有「哇」一聲咁surprise嘅心態嚟呢度食嘢。呢度搵到嘅係市區同新界好耐好耐都唔再復見嘅屋邨人情味，市區嘅邨又重建，新界嘅邨又越嚟越多唔知咩人入嚟住，得返港島先搵得返真正嘅香港。
食物就真係普通㗎喇，即炸畀你算係咁😗 牛脷包就真係得牛脷加個包，好彩塊牛脷唔乾，軟腍腍，所以成個包都唔會覺得乾～
講起就好笑，我哋4個人去食，但得3件蝦多士，不過喺牛脷包碟薯條度搵到多隻蝦，唔知點解，唔知有心定無意，咁我哋就可以4個人share🤪 隻蝦好爽口，加埋沙律醬同兩塊包都幾夾～
講到人情味，我哋去嗰日撞正麗絲啲姐姐整蛋糕，佢哋整咗個朱古力芝士蛋糕，同場有幾個伯伯喺度試食同吹水，真係好happy同好似一家人咁🥰 不過小編and friends緊係無份食啦，我哋都唔係熟客☹️
（5⭐️為滿分）
味道 ⭐️⭐️⭐️⭐️
環境 ⭐️⭐️⭐️⭐️
抵食 ⭐️⭐️⭐️⭐️
📍 屯門青山公路新墟段109號好運洋樓地下6號舖
⏰ 10:00-22:00（星期一至五開11:00）
Bookmark咗隱啡勁耐但因為夾唔到時間所以仲未去過，覺得作用咖啡愛好者，真係一定要去隱啡試吓。不過小編第一次去隱啡竟然唔係似咖啡，究竟除咗咖啡之外仲有啲咩吸引到小編呢😆
幻愛即係Strawberry Sparkling Lemonade 士多啤梨味有汽檸檬特飲！係經過佢哋fans投票選出嘅。攪勻之前係白色加紅色，溝埋之後就變咗紅色，可能有真真假假溝埋一齊嘅意思（我亂噏）🤪 幻愛中間有嚿ice ball，所以杯嘢其實都唔係好大杯，真係一杯咖啡嘅份量。
細個唔知點解已經覺得橙同朱古力好夾，今次嚟到飲杯嘢都想試吓啲食物。份Toast勁香橙同朱古力味！個邊皮脆脆的，上面有塊橙，少少苦味，應該係天然無添加嘅香橙😛
隱啡仲有咖啡豆同drip bag賣，啲豆據說用咗唔同嘅炒法，濃味啲，小編買咗兩個drip bag試，正常都係沖一杯，但翻沖三次都仲幾濃味，咁就唔會浪費啦😝
（5⭐️為滿分）
味道 ⭐️⭐️⭐️⭐️
環境 ⭐️⭐️⭐️⭐️
抵食 ⭐️⭐️⭐️⭐️
📍 深水埗西九龍中心8樓美食廣場55號舖
⏰ 12:30-21:00
📍 上環永樂街87號泰達大廈地下
⏰ 星期一至五 11:30-20:00
⏰ 星期六 12:00-18:00
⏰ 星期日休息
📍 元朗青山公路元朗段34號任安樓地下C號舖
⏰ 12:00-02:00
📍 屯門雅都商場Go Go Mall1樓S77號舖
⏰ 12:00-21:30
黃色呢間水門你哋無可能唔識，港、九、新界西都有分店，新界東都好似就嚟會開！最近疫情大爆發，腦細推出咗一個痴線嘅抗疫優惠，希望同啲原本有晚市堂食嘅餐廳共渡時艱。只要你落單嘅時候講出暗號可以以超抵價食到雞飯！
暗號喺呢個post會搵到🤪 佢哋嘅雞飯小編食過好多次，一直都未出post，雞肉好嫩滑，但淨係食雞都未夠正，你係一定要加埋油飯一齊食先會食到「哇」一聲，因為1+1真係唔係等於2， 你試吓就知。講明先呢個一定唔係最正宗嘅水門雞飯，但真係好好食啊！（利申非打手，有畀廿蚊）
（5⭐️為滿分）
味道 ⭐️⭐️⭐️⭐️⭐️
抵食 ⭐️⭐️⭐️⭐️⭐️⭐️⭐️⭐️⭐️⭐️
（20蚊食到雞飯你仲想點）
小編係水飯鏜忠實支持者，佢哋幾個月前告急之後小編就愛上咗。有時覺得告急係畀個機會多啲人認識間餐廳，告一次急之後就要用實力告急！水飯鏜每日都有5個午餐揀，日日都幾乎唔同，佢哋嘅招牌湯飯就日日都會有！
由於佢哋嘅午餐日日都唔同，所以逐個飯寫食評都無乜意義。因為小編拎得比較遠，所以就無叫過湯飯😢 啲飯餐類似大排檔啲小菜，有時仲有北菇雞呀肉餅呀呢啲飯，lunch menu以外嘅雞飯系列都唔錯㗎！
以下推介幾樣小編一試難忘嘅飯餐，大家如果有緣遇見可以試吓呀😝
梅菜蒸鯇魚、小炒皇、齊上齊落東坡肉飯、泡菜肉餅飯、滑蛋蝦仁飯、海南雞飯
$45-$53 有埋嘢飲
（5⭐️為滿分）
味道 ⭐️⭐️⭐️⭐️⭐️
環境 ⭐️⭐️⭐️
抵食 ⭐️⭐️⭐️⭐️⭐️
📍 觀塘開源道60號駱駝漆大廈3期11樓G室
⏰ 11:30-17:00 / 18:00-22:00（星期日休息）
觀塘駱駝漆大廈真係超多黃店，搞到平時放工時間後部lift都大排長龍😱 今次嚟到11樓試呢間食日本嘢嘅慢煮屋，同層都有唔少黃店㗎！
牛肉雖然有啲薄但份量非常多！燒啲牛燒得幾香不過面頭真係太多鹽，有啲鹽仲係一嚿痴埋一齊無散開，食到一半食咗咁鹽落口，影響咗之後對個飯嘅感覺😢 有隻蛋畀我篤爆佢都幾治癒！加20蚊嘅鵝肝唔錯，入口即溶，但feel到完之後又肥幾磅😂
（5⭐️為滿分）
味道 ⭐️⭐️⭐️
環境 ⭐️⭐️⭐️⭐️
抵食 ⭐️⭐️⭐️
📍 屯門青柏徑6號鹿苑14號舖
⏰ 12:00-22:00（星期一休息）
屯門紅橋真係乜都有得食，有西餐有日本菜有甜品連清湯腩都有，今次介紹呢間係食漢堡包😆 如果你哋想入屯門尋找葉嵐同李志樂嘅足跡，喺景峰對面就係紅橋食嘢嘅地方喇！
想講返個包真係好好食，只係佢哋用咗金記個方法去pack外賣，包住個包搞到啲水氣喺入面焗完又焗，就焗到個包濕晒同扁晒，相信堂食會好好多😀 味道上真係非常非常好，牛肉腍腍地，感覺好鮮嫩，完全食唔到有筋，原來佢哋用咗澳洲西冷😋 而配料方面有蕃茄、蘑菇同羽衣甘藍，感覺都好fresh。塊包真係不得了，一食就feel到加咗牛油燒過，芝士溶溶哋就將包嘅每一樣料都link埋一齊，唯一美中不足都係焗淋咗😢
炸薯波又係超讚！細細粒嘅薯波食到一粒一粒嘅小薯粒，陣薯仔味仲要勁重！
（5⭐️為滿分）
味道 ⭐️⭐️⭐️⭐️⭐️
環境 ⭐️⭐️⭐️
抵食 ⭐️⭐️⭐️⭐️
📍 尖沙咀麼地道63號好時中心51-52號舖
⏰ 12:00-15:00 / 18:00-00:00
今次應該係小編寫食評以嚟介紹咁多間之中最貴嘅，但Hokahoka由外至內都非常日本，真係好似去咗轉旅行咁😝 埋單大約每人400蚊，但食物質素絕對ok，連個前菜都好正！如果覺得貴，將400蚊轉返做yen嚟諗可能會舒服啲🙊
刺身拼盤分咗3個level，我哋叫呢個係中間嗰級，見其他人post最貴嗰個就有埋海膽，不過中級有埋鮑魚都唔錯😆 真係勁新鮮，鮑魚燒完都唔韌，其他魚生都好厚切，完全值返個價錢！
天婦羅最緊要係層炸粉唔好厚，呢度係唔錯嘅。而呢個拼盤有好多唔同天婦羅，除咗有蝦都仲有茄子呀南瓜呀等等嘅嘢，幾好！
呢個無乜特別，都係普普通通卷物咁，啲紫菜係腍嘅，不過都唔知正宗壽司啲紫菜係咪咁樣🤨
燒得好香口，唔會太韌，淡淡鹽香味，送酒一流！
總結嚟講，質素勁高，服務勁好，如果想食平啲啲，叫定食嘅話都係百幾蚊就得，不過一分錢一分貨，食貴啲嘅體驗緊係唔同。抵食方面畀3粒星星，因為400蚊位真係唔係人人畀得起，小編都係最多可以耐唔耐一次😨 大家自己衡量啦無呃你哋㗎🤪
（5⭐️為滿分）
味道 ⭐️⭐️⭐️⭐️⭐️
環境 ⭐️⭐️⭐️⭐️⭐️
抵食 ⭐️⭐️⭐️
📍 柴灣興華村二期和興樓203-204室
⏰ 06:00-19:00（星期三休息）
由於真係有啲遠，所以我哋兩點幾先去食😂 去到過咗午飯時間，人流唔多，侍應話即炒粉麵都唔係得好耐。等咗一陣就有得食，戴咗口罩都聞到勁香同勁有鑊氣！牛河好值得試，有勁多塊牛肉，河粉厚身，又唔係好油。肉絲粉麵係啲屋企自己整唔到嘅嘢，最鍾意個脆脆嘅麵！btw勁搞笑，喺碟牛河度發現咗三條活喺平行時空嘅河粉，明明成碟都係啡色，但佢哋竟然仲可以獨善其身😅
呢度仲有個蔥油生炸雞髀飯勁多人食，但小編落單嗰陣太肚餓搵唔到，唔緊要啦下次如果再有興致上去再試啦😝
（5⭐️為滿分）
味道 ⭐️⭐️⭐️⭐️⭐️
環境 ⭐️⭐️⭐️⭐️
抵食 ⭐️⭐️⭐️⭐️⭐️
香港人Foodie