hoeng1 gong2 jan4 foodie
📍 旺角彌敦道688號旺角中心一期1樓F51舖
⏰ 13:00-23:00
🛒 外賣自取
旺中嘅黃店真係包羅萬有，小編睇住黃藍地圖想去一樓搵Ice Puff食超厚窩夫，點知搵咗陣都搵唔到個招牌，原來手足寫咗好多好多張memo紙，將個招牌都變埋連儂牆 🤣
老闆好好人好細心，見我地兩個人食，就幫我地分埋兩份，以防交叉感染。超厚窩夫真係超厚！！小編個口都差啲唔夠大哈哈哈哈，淨係個窩夫就熱辣辣仲外脆內軟，啲醬就多到漏出嚟，花生醬加煉奶夾喺兩層厚窩夫真係好夾。除咗呢隻原味之外，佢地仲有黑松露、咸牛肉等等嘅味可以揀，真係千奇百趣 🤪
View this post on InstagramA post shared by ICEPUFF (@icepuff_icepuff) on
View this post on InstagramA post shared by ICEPUFF (@icepuff_icepuff) on
（5⭐️為滿分）
味道 ⭐️⭐️⭐️⭐️⭐️
環境 ⭐️⭐️⭐️⭐️
抵食 ⭐️⭐️⭐️⭐️⭐️
📍 屯門屯利街1號華都商場地下7號舖
⏰ 11:30-20:30
🛒 Foodpanda / 外賣自取 / Whatsapp落單 55969190
又係屯門呀🐮 今次介紹呢間喺華都商場地下嘅手搖飲品店，個位平時都好少會經過，如果屯門牛去開水飯鏜心思思西麵牛蓋轉角堅韓燒米之卷嘅話，記得去埋吉之島對面嘅尖茶買杯嘢飲喇～
小編去親手搖飲品店都有一個煩惱，就係唔知飲咩好😂 於是店員就推介咗呢個好藍嘅梳打畀小編，其實係荔枝梳打，小編外賣返到去飲都仲好夠氣，甜度適中，炎熱嘅日子飲都幾舒服😆
View this post on Instagram國際良心日 連豬推介4.5國際良心日 一班乖孫搵埋尖茶 留下三言兩語，再加小小心思 向醫護人員致敬！ #一班乖孫 #尖茶
A post shared by 尖茶jimcha (@jimchahk) on
（5⭐️為滿分）
味道 ⭐️⭐️⭐️⭐️
抵食 ⭐️⭐️⭐️⭐️⭐️
📍 中環雲咸街63號巴力大廈1樓
⏰ 星期一至五 12:00-15:00 / 18:00-00:00
⏰ 星期六、日及公眾假期 12:00-00:00
🛒 Foodpanda / Deliveroo / 外賣自取
相信有睇杜汶澤喱騷YellopenRice節目嘅朋友，都唔會對東歐餐廳陌生。東歐餐廳係一間正宗嘅烏克蘭餐廳，夜晚去仲有一杯Vodka送（而家政府唔畀送），仲未book到位嘅就睇住我地現場直擊先啦😆 （政府搞到佢地book位都要暫停埋😡）
呢個係嚟到東歐餐廳必試嘅菜式，雞肉入面包住奶油再成嚿拎去炸，食嘅時候配埋芝士醬汁食，外面炸得好脆，而入面嘅雞肉就好滑同好有肉汁，中間嘅奶油雖然無流心嘅效果，但個奶油味就好出。伴碟嘅薯片唔係好脆嗰隻，佢有啲似長洲嗰啲支棍好長卷吓卷吓嗰啲薯片，好有薯仔味，食極都唔厭🤩
由於差唔多全場人都係睇完YellopenRice去食，所以基本上個個都係叫火魔法豬肋骨，但如果我哋又推介大家食呢兩樣，大家不如睇返喱騷算啦😑 所以我地揀咗呢個特別啲嘅菜式。呢味鹿肉用石頭鍋上，食到尾嘅時間啲汁都仲係滾緊，鹿肉肉質同羊肉有啲似，有幾嚿比較乾啲，有幾嚿就比較腍啲，但都幾鬆軟。成個感覺有啲似紅酒燴牛腩，個汁入面有啲薯仔，甜甜地幾香幾好食～
本來我哋想叫個湯，但又唔想叫YellopenRice介紹嗰個羅宋湯，如果又一樣大家真係可以唔使睇我哋🤪 於是見隔離枱有個似酥皮湯嘅嘢，一問原來唔係湯，係焗牛脷，我哋就叫咗嚟試喇。個酥皮唔係好似酥皮湯嗰啲咁薄，都唔係篤落去食。上菜嘅時候比我地影完相，侍應就幫我地將塊酥皮成塊揭開，再剪開幾份，食法就係將個牛脷擺上酥皮度食，好似迷你pizza咁。牛脷勁厚，腍腍地有少少入口即溶嘅感覺，同埋又係食極都仲有，好似百寶袋咁🤣
整體嚟講，食物質素好高，喺中環嚟講食到呢個質素嘅東歐餐都算抵，而且份量都幾大，餐廳環境好似置身於東歐咁，不過見到侍應們都做到好忙，香港人真係好強勁🥳
View this post on InstagramA post shared by 山下黃舍(請follow後備ac hkeconrim3) (@hkeconrim) on
📍 銅鑼灣渣甸街49號地舖
⏰ 11:00-23:00
🛒 外賣自取
ChaTraMue係一間喺泰國有超過70年歷史嘅茶葉品牌，銅鑼灣呢間就係香港嘅唯一一間分店。飲過正宗泰式奶茶都知泰式奶茶通常都好甜好濃味同埋成個杯都係冰！！！因為啲奶茶係由熱奶茶加冰先會變凍奶茶，不過啲冰慢慢溶嘅話杯奶茶就會變淡。多冰就係為咗杯奶茶keep住凍，勁甜就係因為唔想啲冰溶咗而搞到杯奶茶淡而無味。
除咗有嘢飲，ChaTraMue仲有甜品同雪糕食，舖頭入面有啲枱凳，鍾意泰國甜品嘅話快啲去試吓喇！
👉🏻 罷市
👉🏻 讓手足暫避
（5⭐️為滿分）
味道 ⭐️⭐️⭐️⭐️⭐️
環境 ⭐️⭐️⭐️⭐️⭐️
抵食 ⭐️⭐️⭐️⭐️
📍 屯門鄉事會路112-140號雅都花園商場地下G10A號舖
⏰ 11:00-22:00
🛒 Foodpanda / Deliveroo / Uber Eats / 拎得lingduck / 外賣自取
聽講屯門呢間炻板燒嘅鐵板吉列牛好正，睇餐廳個名就知～不過今次食lunch小編就先試試個丼飯外賣啦～
外賣飯盒將個咖喱汁同個飯分開上，等啲汁唔會溶晒落個飯度，抵讚，但因為個飯盒分唔列三層，四件唐揚雞擺咗喺飯嗰層，畀飯嘅水份整淋咗少少，但食落口嘅時候都仲feel到少少少少脆，雞嘅肉質都幾滑。個咖喱汁有啲啲辣味，好濃，入面仲有啲紅蘿蔔同薯仔粒，倒落啲雞同啲飯度一齊食都幾夾。麵豉湯就無乜特別，唔太鹹，唔錯～
小編今次叫外賣係lingduck初體驗，lingduck嘅好處係可以叫定外賣先落街拎，一到餐廳就有，慳返啲保貴嘅時間～大家都可以試吓呀～
（5⭐️為滿分）
味道 ⭐️⭐️⭐️⭐️
環境 ⭐️⭐️⭐️⭐️
抵食 ⭐️⭐️⭐️⭐️⭐️
📍 葵涌青山公路葵涌段499號嘉寶大廈地下A&B號舖
⏰ 12:00-21:00
🛒 Foodpanda / Deliveroo / Uber Eats / 外賣自取
📍 尖沙咀金巴利道78號金輝閣地下A號舖
⏰ 12:00-23:00
🛒 Foodpanda / Deliveroo / Uber Eats / 外賣自取
小編對「嘉寶漢堡」嘅印象，係以前成日夜晚六七點就會喺Facebook出post話啲食材賣晒，要提早收舖😂 同埋成日都大排長龍，搞到小編今次都係第一次食。今次揀咗去尖沙咀店，餐廳size比葵涌嗰間細，但就同個廚房近啲😏
落完單坐低，過幾分鐘個餐就整好，侍應將個擺低個餐嗰一刻已經聞到好大陣黑松露味，底面兩層包係黑松露醬、芝士、牛肉、蕃茄同埋一塊大生菜。兩層包都係有烘過，塊牛係手打牛肉，食落口好juicy同埋比較軟身，仲食得出啲牛筋，原來嘉寶嘅漢堡扒係用牛肋條整，再用慢煮方法烹調。黑松露醬嘅份量都好多，每啖都會咬到黑松露入口。漢堡扒下面嘅蕃茄生菜無畀啲醬污染，令個包好fresh～ 薯條方面係用咗粗薯條，茄汁要自己出去按自己需要撳。薯條係即炸，所以由第一條食到食完個包再食最後一條薯條，條條都係熱嘅，入啲啲薯仔好香馬鈴薯味，唔太鹹，份量都幾多～
食完嘉寶，小編真心唔明點解咁多人仲係戒唔甩金拱門。就算金記唔係中資背景，其實都好值得搵替代。由環境到食物質素，由塊包到塊漢堡扒再到塊生菜，金記都無一樣係好過嘉寶，金記塊包就直接用塊凍嘅嘉頓包，芝士得半塊仲要唔溶嘅，牛肉就算係足三両都係硬掘掘嘅，無肉汁仲要係榎口，塊菜都通常切晒絲同索晒啲汁。到包薯條，金記唯一出色係多到食唔晒，但又幼又有一半係炸到硬晒。講到價錢，原來安格斯磨菇牛堡餐都要40幾蚊，咁喺多方面都輸畀其他漢堡小店嘅情況下，希望大家諗諗係咪真係要繼續食金記啦🥺
View this post on InstagramA post shared by 嘉寶小食 (@kabo.burger) on
（5⭐️為滿分）
味道 ⭐️⭐️⭐️⭐️⭐️
環境 ⭐️⭐️⭐️⭐️
抵食 ⭐️⭐️⭐️⭐️⭐️
📍 油麻地彌敦道518-520號彌敦行地下B號舖
⏰ 11:30-23:00
🛒 Foodpanda / 外賣自取
椰子日記喺上年8月尾先開，位置喺彌敦道吉X家隔離～8月開張，仲要開喺彌敦道，開張都而家見證過好多畫面。聽個名就知椰子日記係主打椰子甜品，小編試完都覺得唔簡單～
以前喺其他甜品舖食椰子甜品通常都係用椰皇，細細個，幾啖就食晒😕 椰子日記呢個就真係一個椰子，小編叫嘅甜蜜桃膠椰凍，顧名思義就係桃膠+椰子布甸，上半係桃膠，下半係椰凍，桃膠真係有啲甜味，好滑，而喺底嘅椰凍就好夠椰子味，個配搭都唔錯🤩 平時如果飲椰青，都會畀隻鐵羹刮啲椰子肉出嚟，但因為椰子呢個堅係椰子，啲肉硬身啲，用羹都刮唔到（小編成功刮到一吓），店員同話食完啲桃膠同椰凍之後可以幫顧客刮個椰子，咁就食到啖啖真．椰絲喇😝
整體嚟講個甜品幾好食，份量又夠，但因為個舖位比較細，堂食位置真係唔多，環境方面就要扣少少分喇，不過疫情底下大家都係外賣自取或者Foodpanda會好啲最近椰子日記都遇到啲問題😔 大家可以睇返佢地個page了解吓咩事，希望會有啲law手足可以幫幫手……
（5⭐️為滿分）
味道 ⭐️⭐️⭐️⭐️⭐️
環境 ⭐️⭐️⭐️
抵食 ⭐️⭐️⭐️⭐️
📍 中環利源西街7號地舖
⏰ 星期一至五11:00-21:00
⏰ 星期六 12:00-20:00
⏰ 星期日 12:00-18:00
⏰ 公眾假期前夕 11:00-21:00
🔒 公眾假期休息
🛒 Deliveroo / OpenRice 外賣自取 / 外賣自取
叫餐可以有唔同組合揀，例如兩份餃，又可以一份餃加一份麵，仲有一份餃加一份小食，或者大家都係同門手足師兄弟我全都要都得，只係價錢有啲唔同。小編揀咗一份餃加一份麵，蒜芯豬肉餃個蒜味好濃，加埋豬肉一齊仲好似食到甜甜地，如果想轉煎餃同炸餃應該仲好食，不過食湯餃好似健康啲，無咁熱氣～ 米線方面就揀咗唔辣嘅豆漿蝦皮湯底，呢個湯底其他地方少啲機會食到，有淡淡嘅豆漿味，食完唔會成口味精，唔錯😗
View this post on InstagramA post shared by Trinity Dumpling (@ttdumplings) on
（5⭐️為滿分）
味道 ⭐️⭐️⭐️⭐️
環境 ⭐️⭐️⭐️⭐️
抵食 ⭐️⭐️⭐️⭐️
📍 天水圍天秀路8號天一商城1樓1105號舖
⏰ 11:00-22:00
🛒 Foodpanda / UberEats
📍 筲箕灣愛禮街2號愛蝶灣商場地下57A號舖
⏰ 12:00-21:00
🛒 Foodpanda / UberEats
小編都係見個名幾得意就揀咗芝芝枝枝，芝士奶蓋個味唔錯，不過都係濃咗少少，飲咗三大啖都淨係飲到芝士，第四啖開始要用飲管解決。個荔枝沙冰幾夠荔枝味，仲有啲荔枝果肉同一啲煙韌嘅粒粒，一路飲一路咬令到杯嘢感覺無咁甜～
（5⭐️為滿分）
味道 ⭐️⭐️⭐️⭐️
抵食 ⭐️⭐️⭐️
| 泰之味 | 上環皇后大道中345號上環市政大廈2樓熟食中心CF23號舖 |
| 復仇者餐館 | 中環蘇豪嘉咸街45A號1樓 |
| Rerere1001日式串燒 | 銅鑼灣渣甸街66號亨環22樓 |
| 16 Shell | 天后炮台山蜆殼街6-16號寶榮大廈地下B舖 |
| 天鷲拉麵 | 北角電器道180號百家利中心地下2A號舖 |
| 雪瀛手作 | 北角電氣道233號城市中心地下83號舖 |
| 糖兄弟甜品屋 | 柴灣柴灣道350號樂軒臺419號地舖 |
| 酷廚KOOL | 荔枝角長順街15號D2 Place二期1樓110-111號舖 |
| 居廬晉家門炭燒工房 | 太子白楊街3號 |
| Joyful Juice & Fruit | 太子太子道西171號別樹一居地下2號舖 |
| 果然 Fruit Master | 旺角彌敦道688號旺角中心1期2樓SA25A號鋪 |
| 椰子日記 | 油麻地彌敦道518-520號彌敦行地下B號舖 |
| 鶴亀 | 尖沙咀漢口道19-21號漢宜大廈地下L號 |
| 和吧 | 大角咀杉樹街3-11號德安樓地下2號舖 |
| 麵．睦月 | 紅磡湖光街7號聯盛大廈地下10B1號舖 |
| 八道餐廳 | 慈雲山毓華街74-80A號嘉華大厦地舖 |
| 友利坊 | 新蒲崗康強街21-23號地舖 |
| 泰豪燒 | 元朗又新街37-51號富祐閣地下14號 |
| 盛記麵家 | 沙田瀝源熟食中心5號舖 |
| 一本居酒屋 | 大圍積福街8號地舖 |
香港人Foodie