黃珍珍泰國菜館

📍 九龍城打鼓嶺道23號百營中心地庫至1樓
⏰ 星期一至五 12:00-15:00 / 18:00-23:00
⏰ 星期六日 12:00-23:00
🛒 Foodpanda、外賣自取

Sawadee Kha🙏🏻 嚟到九龍城一定要食泰國菜🇹🇭 今次介紹黃珍珍泰國菜館，呢間喺泰菜嚟講都算高級餐廳，適合成家人一圍枱咁食飯。餐廳裝修到好泰國，連個厠所都係泰式厠所，好似置身暹羅一樣！

珍珍推介6人餐 $1688

👉🏻 講泰菜大家都一定第一樣諗到冬蔭公，但唔係人人識解咩叫「冬蔭公」，冬蔭（Tomyum）喺泰文係解「湯」，而「公」喺泰文就係解「蝦🦐」，所以冬蔭公係一定有蝦嘅！呢煲湯唔係好辣，入面有勁多蝦，仲有啲草菇等等嘅配料，真係「湯好飲」呀🤣

👉🏻 作為頭盤都幾開胃！酸酸哋嘅柚子配埋啲無殼嘅蝦，啱晒懶人😂

👉🏻 呢個拼盤有魚餅、蝦餅同蟹餅，小編特別推介魚餅，呢度嘅魚餅同平時食嘅有啲唔同，中間魚肉部分比較腍，仲有無嗰種泰菜好常見嘅死辣。

👉🏻 6串串燒有豬牛雞，啲肉唔會燒到乾晒，點埋甜甜哋嘅沙爹汁都幾正，係曼谷night market嘅風味🤩

👉🏻 燒雞無乜特別，度度食燒雞都係咁，特別喺個醬度！南乳醬點雞真係第一次，又幾夾喎！

👉🏻 明爐蒸魚又係必食，啲魚嘅肉好質，又有啲脂肪，食落去唔會好似無食過嘢咁，中意食魚嘅人一定會中意呢個蒸烏頭！

👉🏻 呢個係成個set最驚喜嘅一味餸😝 隻蟹超大隻，啖啖肉。最正係個咖喱都有蟹羔嘅味道，用嚟點法國麵包真係超夾！

👉🏻 塊螺片唔係嗰啲假嘅鮑片，係真係螺片，仲要超大塊！啲菜索埋啲鮑汁真係出色！

👉🏻 呢一味就真係無特別喇，喺中式大排檔都食到差唔多味道。

👉🏻 有細細粒芒果糯米糍，有西米糕，仲有兩件大菜糕。芒果糯米糍入面係真芒果肉，西米糕有椰汁味、芝麻味同埋咖啡味。本來以為大菜糕會無味所以成枱都無人想食😅 但一食落口有淡淡椰香，估佢唔到咁正！

總括嚟講，成餐飯都係高級嘅，但價錢喺泰菜嚟講都非常高級。所以如果兩三丁友去九龍城食泰菜，可以試吓呢度嘅炒粉同炒飯，PART 2再講！

（5⭐️為滿分）
味道 ⭐️⭐️⭐️⭐️
環境 ⭐️⭐️⭐️⭐️⭐️
抵食 ⭐️⭐️⭐️